SoLa-Lagertagebuch Samstag/Sonntag 14./15.07.2018

Lagertagebuch Sonntag 15.07.2018

Gott seit zum Abram: „Du muesch nach Kanaan laufe,

ober dörfsch dir weder Charte, Guide no susch Hilf chaufe!“

Unterwägs tröffemer uf d’Hungersnot,

drum gömmer uf Ägypte, au mit em Lot.

Da isch de Pharao cho

und het d’Sarai mitgno.

D’Sarai isch eigentli am Abram sini Frau,

aber er het gloge, ganz genau.

Mir hend müsse uf em Fäld bliibe

und es Biwak uftriibe.

I eusere gröschte Not,

chunt d’chuchi mit Wurscht und Brot.

Satt und glücklich hemmer gschlafe,

wie es Murmeltier uf de Blache.

Mir sind gweckt worde mit emene Lied,

ganz ohni Gwalt, das isch doch liäb.

De einzig Ägypter wiit und breit,

het mega hässig zu eus gseit:

„Ihr hend eus alli hert betroge,

drum schicke mir oi wäg im hohe Boge!“

S’Land Kanaan hemmer gfunde,

das isch doch es riise Wunder.

Ufbaut hemmer oises Zält,

drum beniided ois di ganzi Wält.

E Base grad au dezue,

det hemmer Friedä und oisi Rueh.

Oisi Hüehner hemme müesse verdiäne.

So chönds ois mit frische Eier diäne.

Trotz Sunne hets doch liächte Räge,

da isch oise understand en ächte Säge.

Liäni Grüess vo de trochene Gruppe Khnerslakte

Ps. Oisi Hüehner heisset Hans-Petra BagBag Steak jp.; Babuschka; (no undefiniert); Magdalena